-- Advertisements --
TACLOBAN CITY – Dire mabulig ha pagdudumaraon nga pinakadako nga gios-protesta buwas nga adlaw, Setyembre 21, an mga drivers ha syudad han Tacloban.
Ine an ginpahayag ni TAMADOTCO Board of Director and Vice Chairman, Leo Templado.
Sumala pa hine, imbes nga bumulig hira ha nasabi nga gios-protesta in magseserbisyo nala hira ha mga manarakay.
Dugang pa hine, agud masolusyunan an problema in kinahanglan nga magtikang ine ha Local Government Unit tikadto ha igbaw, ngan dire tikang ha igbaw tipa-ubos.
