-- Advertisements --
TACLOBAN CITY – Padayon an pagpamulat han City Social Welfare and Development Office (CSWDO) han Tacloban nga maidownload han DSWD 8 an pondo para han pagrelease han social pension ha mga benepisaryo ha syudad.
Sumala kan Chona Bahin, head han Tacloban CSWDO, subay ha impormasyon nga ginpadangat ha ira ada na ha accounting division han DSWD 8 an sobra 35 million pesos nga pondo para han mga social pensioners.
Kun maidownload na an mao nga kwarta ha LGU han Tacloban yana nga semana in makakagtikang na an syudad ha pagproseso han release hini ha mga benepisaryo.
Nahibaruan nga maabot ha 5,971 nga mga senior citizens ha Tacloban an nakatalaan nga makakarawat han ira social pension yana nga tuig 2020.
