-- Advertisements --
BASAHA | Nagbuhat an Tacloban City Veterinary Office pamaagi han ira Animal Control Officers hin usa nga catch neuter vaccinate and release (CNVR) operation Brgy. 85 San Jose.
Gindumara ini han ika 30 han Enero, kun diin ha kabugusan, 4 ka lalaki ngan 1 nga babayi nga aspin an ginpan-sterilize ni Dr. Johdel Ty.
Ginbakuna an mga ayam hin anti rabies, ngan gintagan nira an mga ini hin mga kinahanglan nga medications ngan ginpa-recover anay bago nga ginpabuhi balik ha ira mga ginikangan.
Mababaruan nga ha pagkayana, in umabot na ha 82 ka ayam an na-sterilize ilarom hiton CNVR program.
Gintikangan naman an mao nga programa han Setyembre han naglabay nga tuig.
