TACLOBAN CITY – Usa an syudad han Tacloban ha mga pili nga syudad nga napili magin host han Cine Europa 28—an European Union Film Film Festival—yana nga tuig.
Ine in gin organisa han Eastern Visayas State University (EVSU) pinaagi han Office of Internationalization kaupod an Delegation of the European Union of the Philippines.
Labot ha pagpapalabas han magkaduru-dilain nga pelikula han Europa, nagin mahinungdanon gihapon an katitirok mahitungod ha pagpirma han Memorandum of Understanding (MOU) ha butnga han Eastern Visayas State University ngan han Embahada ng Czech Republic ha Pilipinas agud mas pakusgon pa an akademiko ngan kultural nga sumpayan han mga ine.
Panuyo han usa kasemana nga festival, nga ginpangunahan han European Union ngan 27 nga nasud nga membro hine, nga dad-on an mga kontemporaryo nga pelikula han Europa dire la ha mga kapital han nasud kundi pati na gihapon ha mga rehiyon ha bug-os nga kalibutan.
Sumala kan Czech Republic Ambassador to the Philippines His Exellency Karel Hejč, panuyo han Cine Europa nga igpakita an magkaduru-dilain nga kultura han Europa pinaagi han peklikula, samtang nagbubug-os hin tulay hin pagkakaintindihay ha magkaduru-dilain nga nasud.
Usa ha mga iginpakita nga pelikula in an The Sea of Hope—nga orihinal nga gintituluhan hin The Sea in the Backyard ha Czech.
Iginpakita gihapon dinhi an usa nga personal nga panuyo han damo nga Czech—an makakita hin dagat bisan usa kabeses la ha ira kinabuhi mahitungod nga waray dagat o baybayon an ira nasud.
Sumala pa kan Hejč, dire la ine hiunong han heograpiya, kundi ha pankabug-usan nga hingyap han katawhan nga kaurugan in gin nunuru-niyan nala hasta nga urhi na ngatanan.
Gintagan-duon gihapon han tinaglawas han EU nga an Cine Europa in ginhimo nga libre nga cultural festival agud matagan an mga magkirita hin higayon nga mahibaruan ngan maikumpaa an magkaduru-dilain nga pilosipiya ngan panlantaw ha sining han mga nasud ha Europa.
Pinaagi han pagdadara han mga istoryahon nga Europa ha Sinirangan Visayas, dire la iginseselebrar han festival an sining an pelikula, kundi ginpapadig-on gihapon an koneksyon nga kultural han Europa ngan Europa. (via Bombo Shiela Encio)
