TACLOBAN CITY – Plano nga magbubug-os hin grupo an Tacloban City Tourism para maka-tutok ha pagpahusay pa han syudad, ngan ine in partikular nga kakalakipan han pira nga mga Head Officer han kada departamento han lokal na pangobyernohan hiton syudad.
Sumala kan Malou Tabao, Head han Tacloban City Tourism, nga magtutudlok hira hin set of officer na mapukos nga makag-atimar han kalimpyo ngan mag-mementinar han kahusay han bug-os nga syudad.
Dugang pa han mao nga opisyal, nga matungod nga hinay-hinay na mangud nga nabakdaw an syudad ngan damo na nga mga turista ngan mga taga national an nabisita nganhi, napapanahon na nga tagan hin duon an kalimpyo han Tacloban.
Ginpahayag pa hine, nga babalik-balikon han mga bisita pananglitan malimpyo ngan maupay han pagtratar han usa nga syudad ha ira.
Nangangaro naman ine hin kooperasyon ha publiko nga maki-usa ha mao nga pitad han lokal nga pangobyernohan han syudad.
