TACLOBAN CITY – Nananawagan an buhatan han Tacloban City Tourism Office ha publiko labi na ha mga mamamasyada yana nga kapiyestahan han syudad nga magsunod lagihapon ha mga ginpapatuman nga health protocols kontra COVID-19.
Ha pagkayana in humitaas na an ihap han mgakatawhan nga nabisita ha syudad labi na ha mga parasyadahan ha Balyuan Grounds ngan Magsaysay Blvd.
Sumala kan Bardot Atillo, tagmangulo han Tacloban City Tourism Office, bisan ha kaluyo nga igintutugot na an pagdudumara hin mga katitirok ha Tacloban in diri la gihapon sadang nga wad-on an mahugot nga pagsunod ha mga health protocols, sugad han sakto nga pagsusul-ot hin facemask ha public places.
Matungod nga nakapailarom ha alert level 1 status an Tacloban ngan 100% na an capacity nga gintutugot ha mga establisyemento, in kinahanglan la gihapon sundon an mga simple nga aludayday ha panlawas.
Ini nga pitad in para ha katalwasan han ngatanan, ngan agud deri na nga magkaada hin pagpatapon-tapon han COVID-19.
