TACLOBAN CITY- Nagdumara an Tacloban City Population Office hin Population Development (PopDev) Forum ha Brgy. 105, Suhi Tacloban, ine in kasumpay ha ira pagsalin-urog han ira ika 45th katuig nga pagsesrbisyo ngan sugadman ine in kasumpay gihapon ha pagselebrar han National Women’s Month.
An mao nga aktibidad in mayda tema nga “Women’s Role in Population and Development.
Sumala kan Hedeliza Ramos, Population Program Officer III, nga an mao nga event in gintambungan han alkalde han syudad nga hi Mayor Alfred Romualdez, kun diin in naghatag ine hin mensahe han pagigin usa nga role model han usa nga babaye kun diin dako an ra responsibelidad ilabi ha mga natindog nga mga nanay ha ira tagsa-tagsa nga pamilya.
An mao nga programa in gin organisa han pangunguna ni Executive Director of the Commission on Population and Development Usec. Juan Antonio A. Perez III, Regional Director POPCOM R8 Elnora Pulma, ngan han iba pa nga mga tinaglawas han nasabi nga ahensya.
