TACLOBAN CITY- Padayon an pag-raffle han City Housing & Community Development Office (CHCDO) hin mga pabahay ha ilarom han Yolanda Permanent Housing Program han Tacloban.
Sumala kan Ted Jopson,Head City Housing Tacloban City, nga maabot ha 238 an nakatalaan nga igpanhatag, pero maabot la ha 188 nga mga benepisyaryo an nakatambong ngan nakatagamtam han mao nga panahay ha Knightsridge, Barangay Camansihay.
An mga benepisyaryo in tikang ha Barangay 109-A, 99, 98, 97, 91, 72, 68, 50-B, 36, 86, 85, 76, 66, 63, 60, 62-A, 59-A, 59-B ngan 56-A an mga napili para han nasabi nga pa-raffle han Knightsridge nga “resettlement site.”
Dugang pa han mao nga opisyal nga an kadam-an ha mga ine in nag-uukoy ha mga danger zone areas, nga dire na angay ukyan matungod nga delikado.
Ginmalatumat han mao nga opisyal nga ira ginsisigurado nga an matatagan han mao nga pa-rafle in an mga interesado matungod nga magigin kanugon an pabahay kun dire an han mga ine uukyan ngan dire maatimanan hin maupay.
