TACLOBAN CITY– Ginpahibaro hiton Tacloban City Hospital, ha publiko nga dire libre an pagpa bakuna hiton Anti-Rabies ha nasabi nga ospital.
Sumala kan Tacloban City, Acting Chief of Hospital, Dra. Gloria Fabrigas, an serbisyo la nga matatawag nga libre, nga ginhihimo han ira buhatan an panturok han anti-rabies tikang Lunes- Sabado.
Dugang pa hine, dire kalakip ha libre nga serbisyo an bakuna nga igtuturok ha mga nakagat hiton ayam o misay.
Gin-aghat naman hine an publiko, nga ig-obserba an pre-cautionary measure sugad han pagpapabakuna hiton mga alaga nga ayam ngan misay, agud nga makalikay ha mga kadilikaduhan.
Mababaruan, nga pira ha mga nakakagat hiton hayop ngan kinahanglan bakunahan, in napalit ha botika hin Anti-rabies nga bakuna ngan gindadara ine ha naka-duty nga doktor ha nasabi nga ospital.
