TACLOBAN CITY– Ginkilala kumo Regional 1st place winner an Tacloban City, ha gindumara nga Tinig ng Kabataan (Sing and Song Writing Contest) nga gindumara ha probinsya hiton Caibiran Biliran Leyte.
Sumala kan Romelo Anade, Head City Agriculture, Tacloban City, an nasabi nga paisan-isan in ginkalakipan hiton magkalain-lain nga lugar ha Sinirangan Bisayas, agud nga igpakita an tinuod nga kahimtang han mga parag-uma ngan parupangisda ha rehiyon.
Dugang pa ni Anade, nagin malinampuson an Tacloban pinaagi hiton dedikasyon han mga estudyante ngan out of school youth nga nagin representante hiton syudad, ngan igpakita an ira mga talento ha nasabi nga paisan-isan.
Labot la nga nagin regional 1st place winner an syudad, ginkilala gihapon ine kumo Regional 2nd place winner 4-H Promotional Video Making Contest ngan Regional Over all 2nd place winner 4-H Club Regional Explorers Camp ha mao nga contest nga gindumara han nakalabay nga Marso 24-26 han presente nga tuig.
Nagpapasalamat naman an nasabi nga opisyal, ha nagin commitment, ngan paniguro sugadman dedikasyon han mga estudyante ngan out of school youth kumo paglaom han sunod nga henerasyon, ngan igpakita ha mga kabatan-unan an importansya hiton agrikultura.
