TACLOBAN CITY — Nagpahayag hin pagdayaw an Sangguniang Panlungsod han Tacloban ha malinampuson nga partisipasyon han mga atelta ha kahuhuman la nga Eastern Visayas Regional Athletic Association (EVRAA) Meet 2026.
Ginkilala han lokal nga konseho an dedikasyon, disiplina, ngan kakarit nga ginpakita han mga atleta nga naghatag pagkilala ha syudad ha mao nga paisan-isan.
Sumala kan Tacloban City Sports Head, Micheal Octaviano, nga resulta ini han gintampo nga supresyente nga pangandaman ngan suporta han lokal nga gobyerno an nagin maupay nga performance han mga atleta.
Dugang pa hini, usa gihapon nga rason han pagpapatawag ha ira in an pag-presentar han mas damo pa nga suporta han city government ha sports development, kaupod an paghahatag hin kagamitan, training, ngan iba pa nga pankinahanglan han mga atleta ngan an plano nga pagtitindog hin mga bag-o nga sports facility ha syudad.
Samtang, ginlalauman han Sangguniang Panlungsod nga magsisirbe inspirasyon an nagin kalampusan han mga atleta agud mas makag-aghat pa ini hin mga kabataan nga maapi hin sports ngan iba pa nga produktibo nga aktibidad.
