TACLOBAN CITY- Ginpahibaro han Tacloban City Fire Station, nga nagkamadya hira hin gintatawag nga Ugnayan sa Barangay, ine in nakasulod gihapon ha ira programa nga gintatawag nga Oplan Ligtas Pamayanan.
Sumala kan SFO2 Arthur Aralar, Chief Operation Tacloban City Fire Station, nga mayda ginpipili an ira buhatan nga barangay ha syudad ngan ha mao nga barangay in mapili naman hira hin mga tinaglawas han barangay ngan tatagan hin hibaro pananglitan nga magkayamayda hin sunog.
An mao nga pitad in agud nga tagan hin dayon nga aksyon han mga napili nga tinaglawas han barangay kun patiunan-o mapopuypoy an kalayo samtang dire pa naabot an mga tinaglawas han Bureau of Fire Protection.
Dugang pa han mao nga opisyal nga an Ugnayan sa Barangay in ira ginhihimo kinada-tuig.Matungod han pandemya in nagkamayda anay hin postponment ngan mga pagbabag-o han mga buruhaton han mao nga buhatan.
Ha pagkayana, in nagbug-os hira hin usa pa nga pitad agud nga mapadayon an paghatag hin hibaro ha publiko pananglitan nga magkamayda hin sunog.
Ine naman in pinaagi han ira ginhihimo nga Oplan Ligtas on the road – kun diin nalibot an ira sarakyan ha bug-os nga syudad kinada semada agud nga maghatag hin public address ha publiko kun anu an ira mga sadang nga buhaton ha oras nga mayda sunog ha ira tagsa-tagsa nga barangay.
