TACLOBAN CITY– Ginpahibaro han Tacloban City Disaster Risk Reduction Management Office, nga padayon an ira pakikig-sumpaya ha mga barangay official han syudad, nga panginanuon an ira nasasakupan, partikular na an mga barangay nga agsob bahaan.
Una hine, nagpatuman hin suspensyon ha tanan nga class level an metro Tacloban, samtang yana naman nga kulop ginpatuman an suspensyon han trabaho ha tanan nga government offices han syudad.
Sumala kan Tacloban City Disaster Risk Reduction Management Office, Head Brando Bernadas, ha ira panginano naghubas na an iba nga baha, ngan samtang an iba in may nasasalin pa nga mga tubig baha, partikular na an lugar nga agsob bahaan kun nagkakamayda hin mag-aga nga uuran.
Dugang pa hine, napanginano na gihapon nira an mga drainage system, nga nakakagdurot hin pag-apaw han tubig-baha ha karsada.
Ha pagkayana, padayon an panginano han ira tinaglawas, ha mga lugar nga mayda nahipatik nga mga pagbaha.
