TACLOBAN CITY– Magdudumara hin panginano, an buhatan hiton City Disaster Risk Reduction Management Office, ha Brgy. 39, Calvary Hill Tacloban.
Sumala kan Tacloban City Disaster Risk Reduction Management Office, Head, Brando Bernadas, yana nga adlaw in nagdumara hira hin re-validation ha area han nasunugan, agud nga mahibaruan an kabug-usan nga danyos han sunog.
Dugang pa hine, an ira re-validation in agud dire mag-impati an ginsumiter ha ira nga report, tikang ha ira personal nga nahikay nga impormasyon ha mao nga panhitabo.
Ginpatapod naman han nasabi nga opisyal, ha mga nasunogan nga mabulig an lokal nga pangobyernohan hiton Tacloban, ha mga pangunahon nga panginahanglan han mga ine.
Nanawagan gihapon ine ha mga bulawanon hiton kasing-kasing, nga karuyag bumulig ha mga nasunogan, nga dumiretso nasabi nga barangay, ngan makigsumpayan ha barangay kapitan ngan pira nga opisyales han barangay.
Mababaruan, naugbaw an haros sobra 50 nga mga panimalay, ngan maabot ha P3M, an ginbayaan nga danyos.
