TACLOBAN CITY – Ginlalauman han Tacloban City DEPED Division nga mahitaas an ihap han mga enrollees ha night high school ha syudad yana nga gincentralize na ini.
Una hini, nagdesisyon an Tacloban City DEPED nga himoon nga uusa nala an night high school ha syudad tungod nga nagtitikahabubo na an ihap han mga enrollees hini.
Sumala kan Nilo De Paz, head teacher han Tacloban Night High School, an mao pitad han City DEPED in makakabulig agud uusa nala an kakadtuan o susudlan han mga estudyante nga ha kada gab-i la nakakahigayon pag-eskwela o pag-aram.
Mahitungod hini ginlalauman na nira nga an mga estudyante tikang han dati nga mga night highschools sugad han Cirilo Roy ngan San Jose, in magpapa-enroll na ha Tacloban City Night School nga asya an centralized night high school ha syudad.
