-- Advertisements --
Maatubang ha administrative case ngan multa nga maabot ha P4.9M an anay Ateneo Blue Eagles coach nga hi Tab Baldwin ngan Ateneo de Manila University mahitungod ha pagtalapas ha employment laws.
Sumala ha Department of Labor and Employment, ginpamulta hi Baldwin ngan an nasabi nga unibersidad hin P4.9M mahitungod ha kawaray Alien Employment Permit requirements ngan certificate of exemption.
Labot la hini, ginpamulta gihapon hin tag P10,000 pesos hi Baldwin ngan an Ateneo mahitungod ha pag-empleyo ngan pagtratrabaho nga waray valid permit.
Ginrekomenda gihapon han DOLE ha Bureau of Immigration an pagdudumara hin summary deportation proceedings kontra kan Baldwin kasumpay han mga pagtalapas hini kumo basketball head coach han Ateneo.
