TACLOBAN CITY – Ginkokonsidera nga usa ha mga drug cleared City iton syudad han Tacloban dinhe ha Sinirangan Bisayas.
Sumala kan Rogellete Urgel, Information Office hiton Philippine Drug Enforcement Agency (PDEA) Regional Office 8, tanan nga baragay hiton syudad han Tacloban in gindeklara na kumo mga drug cleared barangays.
Gin eskplikar naman hine nga in kaso mabulkasan kumo drug cleared barangay an usa nga barangay han syudad in maaapektaran gihapon hine an bug-os nga estado han syudad kun diin igkokonsidera na liwat ine kumo drug affected nga syudad.
Gin klaro gihapon hine, nga dire karuyag sidngon nga drug cleared na iton syudad in dire na ine magkakamay-ada hin mga anti-drug operation mahitungod nga kaparte ine han pagsustinar han syudad ha estado hine kumo drug cleared city.
Dugang pa han nasabi nga opisyal, ha bug-os naman nga rehiyon in may-ada na duha nga drug-cleared province amu an Biliran ngan Southern Leyte.
