NATIONAL – Gin kumpirma han Department of Budget and Management nga makakarawat na han mga empleyado han gobyerno an umento ha ira sweldo han sulod han yana nga tuig.
Sumala kan Budget Secretary Amenah Pangandaman, ginhuhulat nala nira nga igpagawas han Palasyo an executive order para hine.
Ginmalatumat han DBM nga mayda P36 bilyon nga alokasyon para ha salary adjustment ha ilarom han personnel services expenditures ha ilarom han Fiscal Year 2024 General Appropriations Act o GAA.
Sumala pa kan Pangandaman, retroactive an salary adjustment han government employees tikang han Enero han presente nga tuig pero waray pa naman igpahayag kun pira an ig uumento ha sweldo.
Samtang, para ha masunod nga tuig, nag alutaga daw hin P70 bilyon para naman ha masunod nga tranche han salary adjustment ha mga government employees kaupod na hine an paghitaas han sweldo han mga magturutdo.
Labot la han umento ha sweldo in makakakarawat gihapon an mga ine hin P7,000 nga medical allowance, in cash nga makakarawat ine han mga government employees ha masunod nga tuig.
