TACLOBAN CITY– Pormal nga gin-abrihan an Tahong facility, ha Brgy. Santa Elena Tacloban City.
An nasabi nga Tahong Facility in syahan nga proyekto ha Pilipinas nga gin-abrehan hiton Department of Science and Technology in the Philippines.
Sumala kan John Glenn Ocaña DOST 8 Regional Director, nakita nira nga mahinay an income han tahong ha Eastern Visayas labi na kun nagkakamayda hin red tide nga kun diin apektaho an pangabuhi han mga fishery worker ha rehiyon.
Mababaruan nga mayda maabot 11M an pondo an gin-alutaga han nakalabay nga tuig para hiton 1st and 2nd phase han nasabi nga proyekto.
An nasabi nga inisyatiba in pitad nga magkamayda hin extra income an mga parupangisda ngan iba pa nga fisher folks.
Nakatalaan naman nga magkamayda hin additional fund an DOST nga maabot ha 1.5 milyon pesos para han equipment han nasabi nga proyekto.
Ginlalauman han DOST, nga dako an maibubulig hine ha ekonomiya ha Eastern Visayas labi na nga apektado yana an pakabuhi, matungod han restriction han San Juanico Bridge.
