TACLOBAN CITY – Ginpahayag han Department of Education (DEPED) Tacloban Division nga nagin manilampuson an syahan nga duwa ka adlaw han pagtitikang han klase pinaagi hin distance learning.
Sumala kan Dr. Marissa Magan, School Division Superintendent Tacloban City Division, nga waray naman hira nakarawat nga mga dagko nga problema labot nala han mga concern maypaghisumpay ha learning modalities sugad han pagkuha hin printed modules.
Dugang pa hini nga makarawat la gihapon hira hin mga late enrollees kutob ha Nobyembre 21.
Manunumduman nga dida tungod hiton hulga han COVID-19 pandemic nagdesisyon an DepEd nga abrehan an klase pinaagi han blended learning kun diin waray anay pag bubuhaton nga face-to-face classes para malikayan an pagtapon-tapon han virus.
