TACLOBAN CITY – Iginduduso han City Sports han Tacloban City nga magkamay-ada hin sustainable training and development program agud mamentina an kusog han mga atleta pinaagi han magkaduru-dilain nga mga programa.
Panuyuan han nasabi nga programa nga matanggal an stigma pag-abot ha sports kun diin ada pala kun harani na an paisan-isan nagti-training an mga atleta para ha partikular nga mulay.
Sumala kan Tacloban City Sports Office Head Michael Octaviano, abilable an nasabi nga programa para ha ngatanan nga sports and disciplines sugad han athletics, dance sports, archery, gymnastics, arnis, taekwondo ngan iba pa labi na ha mga individual sports nga damo an mga oportunidad pag-abot ha regional activities.
Gin aaghat gihapon hine an ngatanan han mga local associations nga magin aktibo ha proseso han pagpili han mga atleta.
Pwede gihapon an mga kabataan dumiresto pagdaop ha ira mga iskuylahan, coaches, ngan teachers agud makatagamtam han nasabi nga programa.
Ha lain nga bahin, igin pasabot naman ni Octaviano nga an mga atleta nga tikang ha rehiyon nga nag-e-excel ha mga national stages sugad hiton EVRAA Meet ngan Palarong Pambansa in makakatagamtam hin insentibo kaupod an mga coaches hine. (via Bombo Niña Magpili)
