-- Advertisements --
METRO MANILA – Natuo hi Senator Sherwin Gatchalian nga temporaryo la an ginpapatuman nga suspensyon han fare-hike o umento ha sukot ha pamasahe ha mga pampubliko nga transportasyon.
Ini an reaksyon han senador ha butnga na gihapon han mando ni Presidente Bongbong Marcos Jr. ha Department of Transportation nga suspendiron anay an fare-hike.
Eksplikar ni Gatchalian, kinahanglan la anay unahon an iba nga mekanismo nga dire magdadara hin inflationary effect o paghitaas ha presyo han pira pa nga papliton o serbisyo.
Sumala ha senador, kun naghitaas an pasahe in sigurado nga mahitaas an presyo han produkto han mga manufacturers ngan posible gihapon humangyo hin umento ha sweldo an mga empleyado.
