TACLOBAN CITY — Ginkompirma han kapulisan nga an suspek nga nagprubar pag iskapo ngan ginpusil patay han usa nga escort police officer ha Marasbaras, siyudad han tacloban dida han nakalabay nga sabado in an maiha na nga notorious snatcher han siyudad.
Sumala kan PSInsp Elmer Jabiñar, hepe han San Jose Police Station, nga an suspek nga hi Philip Nielo in amu gihap an usa ha suspek han wala tu-o nga snatching incident ha siyudad han Tacloban.
Labot pa han pangawat in mayda na gihapon ini kaso hin panmatay.
Boses ni PSInsp Elmer Jabiñar, hepe han San Jose Police Station
Ha mismo adlaw gihap han kadakop han mao nga suspek, in mayda dayon 4 nga mga biktima an pumakadto ha ira stasyon agud nga igkompirma nga an hi Nielo an nag- snatch ha ira.
Dugang pa ni Jabiñar, nga ugsa nira madakop an suspek in nakurian anay hita pag trace kun hain ini nag uukoy tungod nga pabalhin balhin ini hin urukyan ha pira nga mga barangay ha siyudad.
Manunumduman nga umato para maka-iskapo ha escort police officer hi Nielo kaupod an bugto hini nga naging hinungdan para pusilon ini nga naging resulta naman han dagmit nga kamatayon.
