-- Advertisements --
INTERNATIONAL–Ginpahayag han mga kapulisan ha United Kingdom nga nakipag-alyansa ha terrorist group nga ISIS an suspek nga umatake ha synagogue ha Manchester.
Duha ka tawo an namatay ngan pira an nasamaran ha mao nga pag-atake.
Ha mao nga insidente aksidente nga napusil han pulis an usa nga biktima nga hi Adrian Daulby, 53-anyos.
Sumala ha United Kingdom counterterror police nga gin amin an suspek nga hi Jihad al-Shamie nga nagtawag anay ini ha emergency service ngan ginpahayag nga ginsugo hiya hiton ISIS.
Ha pagkayana, padayon an gindudumara nga imbestigasyon han mga otoridad kun may iba pa nga mga kaupod an suspek.
