TACLOBAN CITY – Personal nga sumurender an suspek ha pagpatay han usa nga LGBTQ ngan Red Cross Volunter ha Brgy. Pilipil Catarman Northern Samar.
Ginkilala an suspek kan Joshua Picayo, 22 anyos an pangidaron, usa nga pedicab drayber ngan residente han nasabi nga barangay.
Sumala kan Plt. Col. Michael Jude Dotingco Chief of Police han Catarman Northern Samar MPS, ginpatay an mao nga biktima dida han kaagahon han Nobyembre 6 han presente nga tuig.
Subay han mao nga opisyal, may-ada nakuha ha video ha CCTV footages han mao nga lugar kun diin nahikit-an dinhe an suspek.
Basar han inisyal nga imbestigasyun, karuyag na daw sumurender han suspek pero nahadlok dawla ine nga bulsan hiya ngan patayon.
Subay naman han nagin pahayag han suspek ha mga kapulisan ginpipirit daw hiya han biktima nga magbuhat hin di kaangayan nga butang kun diin nangalas an mao nga suspek ngan nabuno hine niya ha dughan nga parte an biktima nga nagin kawsa han iya dayon nga kamatayon.
