INTERNATIONAL – Nadakop na han mga otoridad dida han gab-i han Dominggo, Hunyo 15 oras ha Amerika, an suspek ha pag-assassinate ha Minnesota lawmaker ngan an pagprubar nga pagpatay ha usa pa nga mambabalaud.
An suspek nga ginkilala kan Vance Boelter in ha pagkayana in nakapaslak na han mga kapulisan han Minnesota.
Sumala han mga law enforcement officials, an 57-anyos nga suspek in nagtrabaho ha usa nga security company kumo direktor han security patrols ngan gin-training ini hin mga personahe tikang han US military.
Hi Boelter in gin-aakusaran nga nagbuhat hin targeted shootings kun diin namatay an Democratic lawmaker nga hi Melissa Hortman ngan an iya asawa ngan iginkasamad naman ni Minnesota State Senator John Hoffman ngan an iya asawa ha magkabulag nga panmusil dida han Sabado han aga.
Sumala han mga otoridad, sobra 400 nga tip an ira nakarawat nga nagin rason han pagkadakop han suspek.
Una na nga ginmalatumat ni Minnesota Governor Tim Walz nga an pagpusil ha mga magbabalaud han estado in usa nga “politically motivated.”
Sumala naman ha mga imbestigador, may nakit-an nira nga hit list nga may haros 70 nga tikang ha getaway car nga gingamit han suspek nga an kadam-an in mga Democrats o mga personalidad nga may kalabutan ha abortion rights.
