-- Advertisements --
Ginsita han pulisya an gindumara nga gios-protesta han mga taga-suporta ni Senador Ronald dela Rosa dida han aga han Martes, Mayo 12 mahitungod ha kawaray han mga ini permit.
Sugadman, ginduon han mga supporters han senador nga may katungod hira magpahayag han ira araba ngan magbuhat hin protesta.
Sumala ha ira, nasunod naman hira ha mga ginpatuman nga aludayday han pulisya.
Basar han assesment, tikang pa ha magkadurudilain nga lugar an mga supporters ni dela Rosa, ngan mayda pa nagkaabot agud magbuhat hin protesta ngan suporta ha senador.
Samtang, nagkamayda naman hin kasamok ha butnga han taga-suporta ni Bato dela Rosa ngan han supporters liwat ni Presidente Bongbong Marcos Jr. kun diin dayon naman ini nakontrol han mga kapulisan.
