METRO MANILA – Naisumite na ha Office of the Ombudsman an supplemental affidavit ni Ramil Madriaga, an nagpakilala nga anay aide ngan bagman ni Vice Pres. Sara Duterte.
Ginkumpirma ni Atty. Raymund Palad, an legal counsel ni Madriaga, nga naisumite na nira ha Ombudsman an nasabi nga supplemental affidavit, kun diin damo an mga ginbuyagyag ni Madriaga.
An pitad in kasumpay an gihapon han anunsyo han Ombudsman nga mga show cause order kontra kan Assistant Special Prosecutor Atty. Ryan Quilala.
Nauna hini, ginbasa ni Madriaga an iya supplemental affidavit ha impeachment proceedings han House Committee on Justice kontra kan VP Duterte.
Ginbuyagyag ni Madriaga an sumpayan ni Atty. Quilala ha bise ngan an delivery han milyones nga kantidad han kwarta ha nasabi nga abogado ngan kan anay Ombudsman Samuel Martires.
