ENTERTAINMENT NEWS– Nakatalaan na nga bumalik ha paghimo hin mga pelikula an aktres nga hi Sunshine Cruz.
Nagpahuway hiya hin sobra tulo ka tuig tungod ha sakit nga myasthenia gravis, usa nga klase hin sakit ha butnga han muscles ngan nerves.
Ha iya social media account, nagsering hiya nga damo nga mga proyekto an iya ginbaribaran han nakalabay nga tulo katuig.
Dugang pa hini nga tulo ka tuig niya ginpokusan an iya panlawas.
Nakakuha liwat hiya hin clearance ha iya neurologist ngan gintugutan hiya nga maghimo hin pelikula.
Duro an iya kalipay nga bumalik ha pelikula ngan magbuhat hin pipira nga mga proyekto ha showbiz.
Pero ginklaro hini nga nakapokus la gihapon hiya ha iya panlawas ngan diri maraot an paghimo han pelikula ha sakob hin duha ka adlaw.
Dida han 2025, iginbuyagyag han aktres an iya sakit nga nakaapekto ha pira nga parte han iya nawong.
