TACLOBAN CITY – Padayon pa nga gin iimbestigaran han Bureau of Fire Protection an hinungdan han nahitabo nga sunog ha merkado han Dulag, Leyte, banda alas 3:45 han maagahon kakulop nga nagbilin hin maabot 3.6 milyones kapesos nga danyos.
Sumala kan FO1 Mac Jogie Lagarto ,Fire investigator han Dulag Fire Station, upat nga mga establishmento an naugbaw ngan umabot anay hin sobra usa ka oras san o napuypoy han mga bumbero an kalayo.
Tumawag naman an fire station hin kadugangan nga bumbero tikang ha mga kahirani nga bungto para bumulig ha pagresponde pero waray na kasalbar pa an mga gamit han mga stall owners.
Madali naman nga naglarab an kalayo tungod nga daan na daw an building ngan nasunog liwat an mga dry goods han mga tindera.
Gindeklara ini nga fire out banda alas 5:40 han aga kon diin waray naman nahipatik nga namatay o samaran ha panhitabo
