LLORENTE EASTERN SAMAR–Usa nga sunog an nahitabo ha usa nga residential house Brgy. 1, Llorente Eastern Samar, han ika 3 han Marso.
Sumala kan SF03 Artemio Gajelan, Municipal Fire Marshal han Llorente Fire Station, in nakarawat nira an fire call banda alas 9 han gab-i.
Nagtikang naman an sunog ha ubos ngan sumarang ha ika duha nga floor nga himo tikang ha mga light materials.
Waray naman namatay o nasamaran ha nasabi nga insidente kun diin an 88-anyos nga bugto han tag-iya nga nakada ha sulod han mao nga panimalay in nakagawas pinaagi han bulig han mga taga barangay ngan kapamilya hine.
Gindeklara naman nga totally burned an nasabi nga struktura nagdurot naman ine hin purluminos nga danyos nga P500-K.
Gin-isa naman an 1st alarm para han nasabi nga insidente.
Samtang, nagpapadayon la gihapon an imbestigasyon kanit ine, dugang ni Gajelan.
