-- Advertisements --
TACLOBAN CITY — Arestado an usa nga miyembro han Armed Forces of the Philippines (AFP) ha gindumara nga drug buy-bust operation han mga otoridad ha Purok 2, Bargy. Maulong, Catbalogan City.
Ginkilala an suspek nga hi Corporal Agapito Matias Antonio, 32 anyos, miyembro han Philippine Army, residente han Sultan Kudarat.
Sumala kan Edgar Jubay, regional director han PDEA RO8, nga an mao suspek in diri upod han listahan han mga sundalo nga ginmomonitor han PDEA nga dabi ha iligal nga droga.
Napalit naman ha suspek an 3 ka sachet han gintutuuhan shabu nga may estimated market value nga P1,500.
Naatubang naman ini ha kaso nga pagtalapas han RA 9165 ngan yana in nakadetine na ha Catbalogan CPS Lock-up facility.
