Ha butnga han haluag nga gios-protesta ha EDSA Shrine ngan Luneta Park, gintagan-duon ni Department of Public Works and Highways (DPWH) Sec. Vince Dizon an mando ni Presidente Ferdinand Marcos Jr. nga ‘ubuson ngan papagbatunon’ an ngatanan han dabi ha korapsyon ha nasud.
Nag-ugat an mga protesta ha isyu han maanomaliya nga substandard flood control projects nga ginkakadabihan daw han pira nga korap nga DPWH officials, mga contractor, ngan mismo magbabalaod.
Sumala kan Dizon, dire maundang an ahensya samtang dire natutuman an direktiba han Presidente kontra ha korapsyon kasumpay han mga flood control projects.
Iginpahayag ni Dizon nga dayun nga gumios an DPWH, subay ha mando han Presidente, nagsalawad na ine hin tulo nga kaso ha Ombudsman—26 indibidwal na an nakasuhan, tulo nga opisyal an na-dismiss, samtang 17 an ginsuspendi ngan nakatalaan nga matanggal ha serbisyo ha mga masunod nga adlaw.
Di pala maiha in gintukod ni Presidente Marcos an Independent Commission for Infrastracture agud panginanuon hin maupay an mga anomaliya ha flood control ngan iba pa nga infrastracture projects agud atuhan an korapsyon.
