TACLOBAN CITY — Ginpahayag han Small Town Lottery (STL) ha probinsya han Leyte nga dako an nagin epekto ha ira han kamanduhan ni Presidente Rodrigo Duterte nga pagpapasara han lotto, small town lottery STL, Keno ngan iba pa nga gaming operations han Philippine Charity Sweepstakes Office (PCSO).
Sumala kan Renan Lagado, operations manager han STL Leyte, maabot ha 1.3 million pesos an ira nagigin kalugi-an kada adlaw tungod han pagpapaundang han ira operasyon.
Dugang pa hini nga kun magpadayon pa an pagpapasara han tanan nga gaming operations in diri la an PCSO an maapektaran kundi pati na an mga mga empleyado hini ngan an mga benepisyaryo nga diri na mabubuligan han charity.
Naglalaum naman hira nga nga temporaryo la an naging kamanduhan ni Presidente Rodrigo Duterte ngan papag-adman utro hini an nagin desisyon nga igpaundang an ira operasyon.
