TACLOBAN CITY – Iginpailarom na ha state of health emergency an syudad han Baybay mahitungod han hitaas nga ihap han kaso hin dengue.
Ginbuhat an mao nga deklarasyon mahuman nga umabot ha 173 an nahipatik nga kaso hin dengue nga sumala han City Health Office han Baybay tulo han mga ini an nahipatik nga patay.
Subay ha report nga usa nga bata edad 6 anyos an namatay dida han nakalabay nga Abril ngan 2 naman han yana la nga bulan heton Hulyo nga pareho 2 anyos an pangidaron.
An mao naman nga deklarasyon in makakabulig ha pagpapakusog han adbokasiya ha pagkontra ha mao nga moquito-borne disease ha mao nga syudad.
Samtang, subay ha pinakaurhi nga datus han Department of Health (DOH) Regional Office 8 nga ada na ha 1,947 an kaso han dengue ha bug-os nga rehiyon kun diin 16 ha mga ini an namatay. Ini nga datos in mas hibubo ha 21 porsyento kumpara han nakalabay nga tuig.
