Gin aghat han Social Security System (SSS) an mga household employers nga igrehistro an ira nga kabulig ha balay agud masiguro nga hira in sakop han social security protection han gobyerno.
Sumala kan SSS President ngan CEO Robert Joseph de Claro, panuyo han Kasambahay Caravan nga ginlunsar dida han Marso 22 ha 43 sites ha Metro Manila ngan Rizal nga mapahirani an SSS services ha mga household workers ngan ira employers.
Dugang pa hini, an mga rehistrado nga kabulig in pwede mag-apply para ha SSS loan programa, kaupod an salary ngan calamity loans, ngan makakakuha gihapon hin proteksyon tikang ha Employees’ Compensation Program para ha work-related sickness, disability, o death.
Sumala kan SSS NCR Operations Group Acting SVP Benjamin Dolindo Jr., panuyo han caravan nga pakusgon pa an social security coverage para ha sektor han domestic help.
Subay manggud ha Republic Act 11199 o Social Security Act of 2018, obligado nga ig-rehistro han mga employer an ira kabulig ha sulod han 30-kaadlaw tikang han makarawat ini ha trabaho ngan mag-remit hin kontribusyon.
Para ha mga kabulig nga nasweldo hin P5,000 o sobra pa, ig-iiban han employer an employee share ha sweldo, igdudugang an employer share, ngan babayaan ha accredites channels.
Para naman han mga nasweldo hin P5,000 o mas hamubo, sakop han employer an bug-os nga kontribusyon.
Gintagan-duon ni Social Security Commissioner Eva Arcos nga kinahanglan kitaon han an social security kumo long-term investment ha kapakanan han mga empleyado.
