TACLOBAN CITY – Ginklaro han Department of Trade and Industry (DTI-8) nga nagpapabilin an Suggested Retail Prices (SRPs) han mga Noche Buena products.
Sumala kan Anthea Aivi Borbon, Information Officer- DTI Region 8, nga amo la gihapon an ira ginpapatuman nga mga SRPs tikang dida han nakalabay nga tuig ngan waray ini pagbabag-o.
An mao nga pahayag in ginpahamtang han DTI-8 kasumpay han pagabot han christmas season.
Sumala kan Borbon, nga nagpagawas hira hin SRP agud nga diri
magsingabot an mga negosyante ngan magtirinda ha pagpatuman hin presyo hilabi pa nga damo an mamaralit yana nga christmas season.
Kaupod ha price list nga waray pagbabag-o an presyo in amo an : ham, fruit cocktail, keso de bola, cheese, sandwich spread, mayonnaise, pasta—spaghetti noodles, elbow, and salad macaroni—spaghetti sauce, tomato sauce, ngan all-purpose cream.
Nanawagan naman hi Borbon ha publiko nga mas maupay nga magkamay-ada hin shopping list an mga ini agud nga matamdan an mga presyo ugsa nga mag shopping.
Sugad man ginpahinumdum liwat hini ha mga katawhan nga ig obserba an minimum health protocols sugad nala han pagsul-ot han face mask, face shield ngan igpabilin an physical distancing.
