NATIONAL – Suportado ni Speaker Ferdinand Martin G. Romualdez an appointment ni Pangulong Ferdinand R. Marcos Jr. kan University of the Philippines (UP) Law Dean Darlene Marie Berberabe kumo bag-o nga Solicitor General han nasud.
Ginmalatumat ni Romualdez nga ‘highly qualified’ hi Berberabe nga pagmanguluhan an legal team han gobyerno ha butnga han masamok nga isyu-konstitusyunal nga importante nga mga kaso nga nagkikinahanglan hin makurimot ngan independente nga abogado.
Dugang pa ni Romualdez, mayda mga petisyon kontra ha Kamara nga nakabinbin ha Korte Suprema nga ginkakaptan han OSG.
Bitbit ni Berberabe an haluag ngan nakakabilib nga karera; naghuman kumo top graduate ha parehas philosophy ngan law ha UP, ngan nagserbi nga dean han UP College of Law kun diin gintukod hine an access ha legal nga edukasyon ngan makatawo nga praktis ha balaod.
Ginsaliwanan ni Berberabe hi Menardo Guevarra.
Ginsigurado naman ni Speaker Romualdez nga bug-os an suporta han Kamara kan Berberabe ha pagbuhat hine han trabaho nga igrepresenta an Republika ha Korte ngan depensahan an Konstitusyon.
