NATIONAL – Gindayaw ni Speaker Ferdinand Martin G. Romualdez an pagkakatudlok kan Police Maj. Gen. Nicolas Torre III kumo bag-o nga hepe han Philippine National Police (PNP), nga usa nga “no-nonsense leader”, nga mayda kaisog, integridad, ngan kakayahan nga pagmanguluhan an kapulisan ha kritikal nga panahon.
Ginmalatumat ni Speaker Romualdez nga ha kaluyo han mahugot nga pagsubaybay han publiko ngan political pressure in nagpapabilin nga madig-on hi Torre ha pagpapatuman han balaod ngan pagdudumara hin mga sensitibo nga operasyon.
Gintagan-duon pa hine nga an pagkakatudlok kan Torre ni Presidente Marcos in nagpapakita han mahugot nga panawagan para ha institusyunal nga reporma ha PNP kahuman han pauru-utro nga panawagan para ha internal cleansing ngan modernisasyon hine.
Hi Torre nga membro han Philippine National Police Academy (PNPA) Class of 1993, in dati na kumapot hin mga importante nga posisyon ha PNP sugad han pagigin district director han Quezon City Police District ngan regional operations head han National Capital Region Police Office.
