NATIONAL – Nananawagan hi Speaker Fedinand Martin Romualdez nga mas padig-unon pa an sumpayan han mga nasud para ha mas madig-on nga ekonomiya, ngan responsableng nga pagmamangulo ha teknolohiya para atubangon an mga ayat ha seguridad ngan ekonomiya ha Indo-Pacific region.
Ha pahayag hine ha gindumara nga Parliamentary Intelligence-Security Forum (PI-SF), gintagan-duon ni Speaker Romualdez an nagtitika-duro nga tensyon-geopolitikal, kamaluya han ekonomiya, ngan mga ayat nga durot han teknolohikal nga pagbabag-o ha rehiyon in nanginginahanglan gin gin urusa nga pagbaton tikang ha world community.
Nagtutok an istoryahon ha Indo-Pacific region nga ginkakalakipan han mga dako nga ekonomiya sugad han China, Japan, India, ngan South Korea, ngan padayon nga nagigin sentro han mga dire nareresolba nga kasamok ngan kompetisyon.
Gin padig-on gihapon ni Speaker Romualdez an patapod han Pilipinas nga pagsunod ha international law ha pagdepensa ha katungod han nasud ha West Philippine Sea.
Nagpahimatngon gihapon ine kontra ha gray-zone tactics, pamwersa ngan militarisasyon ha artificial islands, nga nagdudurot hin hulga ha kahimyangan ngan kadig-on ha rehiyon.
Dugang pa hine, naghihimo na hin mga pitad an Pilipinas agud pakusgon an jurisdiction han nasud, kaupod an paghihimo nga balaod han Philippine Maritime Zones Act ngan Philippine Archipelagic Sea Lanes Act.
Gin aghat gihapon hine an mga igkasi magbabalaod nga gamiton an kapas ha paghimo hin balaod agud mas mapadig-on an alyansa nga igduo an interntional treaty para ha kadig-on han rehiyon.
