NATIONAL – Usa kasemana ugsa an State of the Nation Address (SONA) ni Pangulong Ferdinand “Bongbong” R. Marcos Jr. ngan an utro nga pag-aabri han sesyon han Kongreso in ginsigurado ni Speaker Ferdinand Martin G. Romualdez an pag-apruba han Kamara de Representantes ha panukala nga 2025 national budget, ngan an nasasalin nga panukala nga prayoridad nga maaprubahan han Legislative-Executive Development Advisory Council (LEDAC) ngan kadungan nga balaudnon nga maipapahayag ha SONA.
Gin pahayag ni Speaker Romualdez nga andam na an Kamara nga karawton an panukala nga P6.325 trilyon nga National Expenditure Program (NEP), nga pagbabasaran han 2025 General Appropriations Bill (GAB).
Target daw han Kamara nga aprubahan ine ha Setyembre.
An 2025 NEP nga mas hitaas hhin 10% ha P5.768 trilyon nga budget yana nga tuig in kaparehas han 22% nga gross domestic product han nasud.
Ginlalauman nga igsusumite han Department of Budget and Management an 2025 NEP ha Hulyo 29, mahuman ine nga repasuhon han bug-os nga gabinete.
