NATIONAL NEWS– Mabalhin ha paperless system ngan magamit hin blockchain technology an House of Representatives tinikangan ha tuig 2026.
Ine an nagin anunsyo ni House Speaker Faustino “Bojie” Dy III, nga panuyo han nasabi nga pitad in pakusgon an transparensiya, seguridad ngan integridad han mga proseso ha Kongreso, kalakip na an pangandaman ngan proseso han pambansang budget.
Pananglitan nga matuman an Pilipinas an magigin syahan nga legislative body ha Asya nga magamit han nasabi nga teknolohiya.
Pagdudumaraon an inisyatiba ha bulig han Department of Information and Communications Technology.
Subay ha Speaker Dy, an pagtapod han publiko ha gobyerno in dire nabubug-os ha mga yakan la kundi pinaagi hiton konkreto nga aksyon.
Utro naman hine nga ginpadig-on an iya panindugan ngan responsibilidad ngan agud nga maibalik an pagtapod han publiko sunod nga tuig.
