Gin malatumat ni Senate President Sherwin ”Win” Gatchalian nga suportado niya an plano nga Pax Silica Hub, pero iginduon hini nga kinahanglan anay mabaton an pira nga kondisyon ugsa ini maipatuman.
Ha pagdungog han Senado dida han Biyernes, ginmalatumat ni Gatchalian nga mayda mga kaupod nga kadelikaduhan ngan kondisyon an dako nga proyekto nga kinahanglan pag-istoryahan ngan siguraduhon nga mapoproteheran an mga interes han nasud.
Sumala ha senador, importante nga maproteheran an katungod han mga lokal nga kumunidad nga posible maapektaan han proyekto, partikular na an mga residente ha Tarlac.
Kinahanglan daw gihapon siguraduhon an suprisyente ngan madig-on nga suplay han tubig ngan kuryente para ha operasyon han industrial hub.
Gintagan-duon gihapon ni Gatchalian an importansya han technology transfers, agud dire la an mga langyawanon nga kumpanya an makatagamtam ha proyekto, kundi magkamay-ada gihapon hin higayon an mga Pilipino nga mahibaro ngan makakuha hin mas hitaas nga lebel hin hibaro.
Igin hulagway hini an Pax Silica kumo posible magin dako nga pitad ha pagbabag-o han industriya ha nasud.
Samtang, pora nga environmental groups an nagpahayag hin pagbalabag ha proyekto mahitungod ha pagkabaraka nga posible magkamay-ada ini hin epekto ha kalibungan ngan magdurot hin displacement ha pira nga residente ha Tarlac.
Sumala kan Gatchalian, kinahanglan balansehon an mga oportunidad nga maidudurot han proyekto ngan an posible nga kadelikaduhan hini ugsa igpatuman.
