NATIONAL NEWS- Ginpahayag ni Senate President Sherwin Gatchalian nga usa nga ayat an pag-aandam para ha impeachment trial ni Vice President Sara Duterte an mga logistics matungod ha limitado nga espasyo han Senado.
Sumala kan Gatchalian, gutiasy la an building han Senado ngan parehos naghahangyo an House prosecution panel ngan defense team han ira kalugaringon holding o huddle room, media room para ha ira mga staff.
Sugadman an mga panginahanglan han mga senador kumo hukom ha impeachment.
Matungod hine, ginlalauman nga magigin hu-ot ngan ayat an pagios han katawhan ha pagdudumaraon nga impeachment ala-kontra ha VP.
Ginpunto pa ni Senate President an pag siguradoi han seguridad ilabi na nga abre ine ha publiko.
Dugang pa ni Gatchalian una na hira nga nakipaghimangraw ha Armed Forces of the Philippines (AFP), Philippine National Police (PNP), Bureau of Fire Protection (BFP), Metropolitan Manila Development Authority (MMDA), National Intelligence Coordinating Agency (NICA) ngan magin ha mga lokal nga pangobyernuhan han Pasay, agud nga siguraduhon nga andam an ngatanan para ha impeachment proceedings.
Labot hine, ginklaro niya nga mayda na sobra 20 nga miyembro han Philippine Marines nga naka- deploy ha Senado sanglit nga importante daw an koordinasyon ha tanan nga ahensya.
Gindig-unan hine nga kilala ngan hitaas nga opisyal hi Duterte sanglit nga kinahanglan masigurado nga sadang an seguridad ha bug-os nga proseso han hearing, labi na nga hulga ine ha institusyon.
Ha pagkayana, waray naman sigurado nga numero kun pira an magagastos nga pondo ha magigin Impeachment trial han bise, pero ginsigurado naman Gatchalian nga magigin minimal la ine ngan sadang ha senado.
