NATIONAL – Nanawagan hi Senate President Chiz Escudero ha ngatanan han mga senador nga iginpa-piliw an political divisions ngan magbinuligay para ha uusa nga panuyo han gobyerno.
Ha utro nga paglingkodn ni Escudero kumo lider han Senador, gin aghat hine an mga magbabalaod nga tutukan an healthcare, edukasyon, paghimo han trabaho, ngan pagtukod han pundasyon ha parehas pisikal ngan legal nga magsisigurado nga an kada Pilipino in mayda matatagamtaman ha pag-ursa han nasud.
Gin aghat gihapon ni Escudero an mga kaurupdan nga igduso an institutional duty hin may pagka-mahinahon ngan solusyon.
Iginduon naman hine nga dire hira bisan sanu man mayukod ngan magpapadaog ha karuyag han kadam-an.
Nagdig-on gihapon an senador nga igduduso nira kun anu an sakto ngan angay ngan kun anu an nasusubay ha rule of law ngan ha Konstitusyon.
