INTERNATIONAL – Igindiri nga makabiyahe ha iba nga nasud hi South Korean President Yoon Suk Yeol.
Ini in kasunod han plano han prosecutor nga magpasaka hin kaso nga insurrection mahitungod ha pagpapatuman ni Yoon hin martial law han nakalabay nga semana.
Bisan nakatalwas ha impeachment vote ha parliamento, diri la gihapon masisiguro nga magpapabilin an presidente ha pwesto.
Hingyap han iba nga opisyal han South Korea nga bumuliw ha pwesto ngan suspendihon hi Yoon agud maprotektaran an ira nasod ha duro nga kadelikaduhan.
Manunumduman nga nagdurot hin kasinahon ha mga mulupyo an ginbuhat nga deklerasyon han presidente, kun diin nagdumara hin butosay an mga miyembro han parliamento ha National Assembly building para mawarayan ini hin bisa.
Kahuman an sobra unom ka-oras in ginbawi ni Yoon an nasabi nga deklarasyon ngan nangaro hin pasaylo ha publiko.
