-- Advertisements --
ENTERTAINMENT NEWS– Tumalikod na ha kadayunan an South Korean aktor nga hi Jung Eun Woo ha edad nga 40-anyos.
Waray naman igpaangbit han kampo hine an rason han iginkamatay han aktor.
Pira ka-adlaw ugsa an iya kamatayon in nagpost pa ine ha iya social media account hin mga litratro han tumalikod na ha kadayunan nga hi Leslie Cheung ngan Amy Winehouse.
Mababaruan nga maabot na hin duha ka-dekada an career ni Jung kun diin nagtikang an iya acting career hadton 2006 ha show nga “Banollim 3”.
Kaupod hiya ha pira nga mga pelikula sugad hiton “He Was Cool”, “Bad Couple” ngan damo pa nga iba.
Presente naman nga nakahay-ad ine ha New Koryo Hospital Funeral Hall ngan iglulubong ine ha Byeokje Sunghwa Cemetery ha adlaw hiton Pebrero 13.
