Nadayunan na kapatalsik kumo Senate President han 20th Congress hi Senador Francis “Chiz” Escudero.
Gin saliwanan ni Senador Vicente “Tito” Sotto III hi Escudero ha puwesto.
Ha plenaryo han Senado, nagmosyon hi Senador Juan Miguel Zubiri nga ignominate kumo bag-o nga Senate President hi Sotto nga ginsegundahan naman ni Senadora Loren Legarda.
Waray naman senador nga bumaribad ha nominasyon ni Sotto kumo lider han Senado.
Kaupod an iya pamilya, dayun gihapon nga nanumpa hi Sotto kumo bag-o nga taga-pangulo han Hitaas nga Kapulungan.
Samtang, nahurar naman hi Senador Panfilo “Ping” Lacson kumo bag-o nga Senate President Pro Tempore han 20th Congress.
Ginsaliwanan naman ni Lacson hi Senador Jinggoy Estrada.
Magseserbi naman hi Senador Juan Miguel Zubiri kumo bag-o nga Majority Floor Leader han 20th Congress.
Ginsaliwanan ni Zubiri hi Senador Joel Villanueva.
Kun manunumduman, nagin Senate Presidente na gihapon hi Sotto dida han panahon ni anay Presidente Rodrigo Duterte.
Han pakianhan ine kasumpay ha rason han dayun nga pagbabag-o ha liderato han Senado, ginmalatumat ni Sotto nga damo nga ayat an gin kakaatubang han presente nga administrasyon pero dire ine kasumpay ha flood control projects.
