Nanawagan hira House Deputy Speaker Rep. Paolo Ortega ngan Lanao del Sur Rep. Zia Alonto Adiong ha Senado nga pabay-an nga magpadayon an impeachment trial kontra kan Vice President Sara Duterte agud mai-atubang an ngatanan han ebidensya nga mahibaruan han publiko an kamatuuran.
Sumala kan Ortega, an impeachment in usa nga proseso nga gintudlok han Konstitusyon agud mapanginano an mga akusasyon kontra ha hitaas nga opisyal han gobyerno pinaagi han ebidensya ngan due process.
Iginduon niya nga an anuman nga pitad nga magpupugong ha pagdungog ugsa mai-presenta an mga ebidensya in magtatanggal ha katawhan hin higayon nga mahibaruan an kamatuuran.
Ginmalatumat gihapon ni Ortega nga andam na an House prosecution panel nga ig atubang an kaso ha Senado kumo impeachment court ngan igre-respeto hini an magigin desisyon han hukuman subay ha balaod ngan mga ebidensya nga igpi-presenta.
Sumala naman kan Adiong, klaro ha Konstitusyon nga trabaho han Senado nga ig-hearing ngan pagdesisyunan an mga kaso nga impeachment, sanglit kinahanglan anay mai-atubang an mga ebidensya ngan mga testigos han magkaluyo nga parte.
Ginmalatumat gihapon hini nga ginkilala han kampo ni Duterte an hurisdiksyon han impeachment court han magsalawad ini han mga pleadings, sanglit kinahanglan hini batunon an mga akusasyon imbis nga maglaum la ha teknikal nga isyu.
Iginduon ni Adiong nga suprisyente na an pakasayop ha bisan usa la nga artikulo han impeachment agud mapatalsik ha pwesto an usa nga opisyal, subay ha Konstitusyon.
