Iginduduso ni Parañaque 2nd District Representative Brian Raymund Yamsuan an dayun nga pagpasar han iya panukala nga balaod nga may panuyo nga pahusayon pa an ‘kasanayan’ han mga kapulisan ha panginano ha krimen pinaagi han paggamit han makabag-o ngan maka-agham nga mga pamaagi sugad han forensic science.
Sumala kan Yamsuan, an iya House Bill (HB) 2244 in masuporta ha mga inisyatibo han Department of the Interior and Local Government (DILG) agud padig-unon an mga pitad ha pagpugong ngan pagresponde ha krimen.
Importante gihapon nga kun mayda nahitabo nga krimen, an kapulisan in bihasa ha paggamit han mga makabag-o nga pamaagi ha pagkuha nga panginano han ebidensya.
Duon pa han Kongresista, napapanahon an balaudnon labi na yana nga naursa na gihapon an forensic science ha nasud, sugad han pagkakatukod han National Forensics Institute ng UP Manila dida han Hunyo.
Ginmalatumat ni Yamsuan nga panahon na gihapon agud balyuan an mga kadaan nga pamaagi ha pag-iimbestiga ngan kinahanglan makadungan na ha pag-ursa han agham ngan teknolohiya.
Sumala pa ha magbabalaod, an pagpasar han HB 2244 in kaparte han haluag nga reporma ha sistema nga panhustisya han nasud ngan usa nga importante nga pitad agud mapadig-on an kapas han mga tagapagpatuman han balaod ha makabag-o nga panahon.
